ایک طاقتور طوفان نے جنوب مشرقی امریکہ میں تباہی مچا دی ہے؛ 37 افراد ہلاک اور درجنوں زخمی ہو گئے ہیں۔ غیر ملکی خبر رساں اداروں کے مطابق طوفان نے میسوری، آرکنساس، ٹیکساس، اوکلاہوما، کنساس، الاباما اور مسیسیپی ریاستوں میں وسیع تباہی پھیلائی۔
اس مہلک موسمی نظام سے متعدد ہلاکت خیز واقعات پیش آئے؛ ہلاکتوں کی تعداد 37 ہو گئی ہے اور بہت سے دیگر زخمی ہیں۔ 380,000 سے زائد افراد ساحلی علاقوں میں بجلی سے محروم ہو گئے ہیں۔ طوفان نے فلوریڈا سے کیرولیناز تک 16 ملین رہائشیوں کو متاثر کیا ہے۔
جنوبی اور وسط مغربی علاقوں کو تباہ کرنے کے بعد طوفان اب مشرقی ریاستوں کی طرف بڑھ رہا ہے، جس سے مزید نقصان کے خدشات بڑھ رہے ہیں۔
