امریکی صدر ڈونلڈ ٹرمپ نے خبردار کیا ہے کہ اگر یمنی حوثی مزید حملے کرتے ہیں تو ایران کو سنگین نتائج کا سامنا کرنا پڑے گا۔ ٹرمپ نے اعلان کیا کہ کسی بھی مستقبل کے حوثی حملے کی ذمہ داری ایران پر عائد ہوگی۔
ٹرمپ نے اپنے سوشل میڈیا پلیٹ فارم ٹروتھ سوشل پر بیان پوسٹ کیا جس میں کہا گیا: آج سے حوثیوں کی چلائی گئی ہر گولی کو ایرانی ہتھیاروں سے آنے والی اور ایرانی قیادت کی ہدایت پر چلنے والی سمجھا جائے گا۔
حوثیوں کا ردعمل
ٹرمپ نے زور دیا کہ ایران کو جوابدہ ٹھہرایا جائے گا اور اسے نتائج کا سامنا کرنا پڑے گا جنہیں انہوں نے شدید قرار دیا۔ دوسری جانب یمن پر امریکی فضائی حملوں کے بعد حوثی رہنما عبدالملک الحوثی نے دس لاکھ افراد کے مارچ کی اپیل کی جس سے یمن کے کئی شہروں میں بڑے مظاہرے ہوئے۔ ہزاروں مظاہرین نے ان مظاہروں میں شرکت کی۔
غیر ملکی خبر رساں اداروں کے مطابق مظاہرین نے فلسطینیوں سے یکجہتی کے لیے فلسطینی پرچم لہرائے اور امریکہ و اسرائیل کے خلاف پلے کارڈز اٹھا رکھے تھے۔
